Pas gjurmëve (1978)

100 vjet SULEJMAN PITARKA

Me rastin e 100 vjetorit të lindjes së dramaturgut dhe aktorit të dashur të skenës dhe ekranit, Sulejman Pitarka, Nderi i Kombit, (2 shkurt 1924 – 24 mars 2007), Arkivi Qendror Shtetëror i Filmit do t’ia dedikojë muajin shkurt 2024 veprimtarisë së tij artistike në kinematografi, duke shfaqur çdo javë një film ku ai aktron.

Filmat do të projektohen në kinemanë @KINOjonë në AQSHF si dhe streaming online në https://aqshf.gov.al/

Me regji të regjisores Xhanfise Keko, kjo dramë bardhë e zi tregon historinë e një grupi fëmijësh që zbulojnë disa diversantë që synojnë të hedhin në erë një central elektrik. Filmi zhvillohet në vitet e para pasi regjimi komunist hyri në fuqi në Shqipëri.
Pse Kinostudio prodhoi filma me spiunazh ku tregoi ndihmën e fëmijëve në identifikimin e “spiunëve”, diversantëve apo keqbërësve? Ejani ta zbulojmë së bashku gjatë bisedës para filmit, në AQSHF.