Shfaqje “Një histori e parrëfyer” (2024) dhe bisedë me dr. Anxhela Çikopano.

“Një histori e parrëfyer” (2024), film me metrazh të shkurtër nga Sara Hoxhaj, prodhim i shtëpisë kinematografike “Action Production”, shfaqet:
Të enjten, më 2 tetor 2025
Ora 18:00
Vendi:  në Sallën e Kinemasë së Arkivit Qendror Shtetëror të Filmit

Pas shfaqjes, studiuesja e teatrit dhe kinemasë pranë Qendrës së Studimit të Arteve në Akademinë e Shkencave të Shqipërisë, dr. Anxhela Cikopano, që është edhe skenariste e këtij filmi, do të zhvillojë bisedën publike: “Realitete artistike – një film për Shqipërinë komuniste në Shqipërinë jo-komuniste”.
Në këtë bisedë, studiuesja-skenariste do të përballë përvojën e shkrimit të një skenari për realitetin komunist me filma të realizuar gjatë periudhës komuniste, të cilët cekin tema e koncepte të ngjashme me ato të filmit “Një histori e parrëfyer”, duke shtruar pyetje, si: Çfarë ndodh kur dy realitete të ndryshme politike përpiqen të krijojnë një film artistik marrë nga i njëjti burim jetësor? Si shihen gjërat? Çfarë spikat? Çfarë humbet? Sa për qind nga e vërteta mban secili realitet artistik? Cilat janë sfidat e bërjes së një filmi për komunizmin në ditët e sotme?

Jeni të ftuar të na bashkoheni për të ndjekur filmin e për t’u bërë pjesë e këtij bashkëbisedimi publik.